नागपूर: राज्य सरकारने नागपूर येथील मध्यवर्ती कारागृह स्थलांतरित करण्याचा निर्णय घेतला आहे. यासाठी जागा देखील निश्चित करण्यात आली आहे. कामठी तालुक्यातील बाबुलखेडा येथील चिचोली येथे १५० एकर जागेवर नवीन तुरुंग बांधला जाणार आहे. ज्यांचे काम लवकरच सुरू होईल. पालकमंत्री चंद्रशेखर बावनकुळे यांनी गुरुवारी पत्रकारांशी बोलताना ही माहिती दिली.
मंत्री बावनकुळे म्हणाले, “ज्या जमिनीची आवश्यकता होती ती ओळखण्यात आली आहे. तिचे आरक्षणही करण्यात आले आहे. बाबुलखेडा आणि चिचोली गावे कोराडीच्या मागे आहेत. त्याच्या शेजारी १५० एकर जमीन आहे. ती नवीन कारागृह साठी ओळखण्यात आली आहे.” ते पुढे म्हणाले, “लवकरच त्याची निविदा मागवली जाईल, बीओटी द्वारे किंवा सरकार मार्फत, एक कारागृह बांधला पाहिजे आणि नंतर तो स्थलांतरित केला पाहिजे.”तसेस “आम्ही नवीन न्यायालयात एक कोर्टरूम तयार करण्यावरही काम करत आहोत, जेणेकरून कैद्यांना व्हिडिओ कॉन्फरन्सिंगद्वारे न्यायालयात हजर करता येईल. जेणेकरून त्यांना इतक्या दूर न्यायालयात नेण्याची गरज पडू नये.”
