भंडारा : जिल्ह्यातील वैनगंगा, चुलबंद, बावनथडी, सूर नद्यांच्या उच्च दर्जाच्या वाळूच्या तस्करीत मोठ्या प्रमाणात वाढ झाली आहे. या नद्यांच्या चमकदार आणि मौल्यवान वाळूला केवळ विदर्भातच नाही तर शेजारील राज्यांमध्येही मागणी आहे, त्यामुळे तस्करीच्या घटनांमध्ये वाढ होत आहे. भंडारा जिल्ह्यातील वाळू माफियांवर अंकुश ठेवण्यासाठी जानेवारी ते नोव्हेंबर 2024 या कालावधीत विशेष मोहीम राबविण्यात आली.
या कालावधीत एकूण 286 तस्करीचे गुन्हे दाखल करण्यात आले असून 583 आरोपींवर कडक कारवाई करण्यात आली आहे. या मोहिमेत केवळ वाळूच नाही तर तस्करीत वापरलेली वाहनेही जप्त करण्यात आली आहेत.
या कारवाईत एकंदरीत सुमारे 48 कोटी 44 लाख 32 हजार 800 रुपयांची मालमत्ता जप्त करण्यात आली असून या मोहिमेच्या माध्यमातून पोलीस व महसूल विभागाचे अधिकारी वाळू तस्करांवर कडक कारवाई करत असून यामुळे अवैध वाळू तस्करीला आळा बसेल असा विश्वास व्यक्त केला जात आहे.
